მასკარპონე- იტალიური წარმოშობის ნაღების რბილი ყველია. იყიდება სუპერმარკეტებში და შეგიძლიათ შინაც მოამზადოთ. 

ამისთვის დაგჭირდებათ  1 ლიტრი 20-25 %-იანი ნაღები. 1 ჩ.კ წყალი და ¼ ჩ.კ ლიმონმჟავა. ლიმონმჟავა გახსენით წყალში. ქვაბში ჩაასხით ნაღები და მოდუღებამდე მიიყვანეთ (უნდა გაცხელდეს დაახლოებით 80- 90 გრადუსამდე).

ნაღები სათქვეფელათი გათქვიფეთ და დაუმატეთ წყალში გახსნილი ლიმონმჟავა. ხარშეთ დაბალ ცეცხლზე 10 წთ-ის განმავლობაში. თქვეფა არ შეწყვიტოთ. ამ პერიოდში ნაღები შესქელდება. გადაიტანეთ რამდენიმე პირ დოლბანდში და გადაწურეთ. 

ხანდახან მოურიეთ ყველის მასას, რომ უკეთ გაიწუროს. დაახლოებით 2 საათში ყველი გახდება სქელი არაჟნის სისქის. ყველი გადაიტანეთ სხვა ჭურჭელში და მაცივარში შეინახეთ. სიცივეში იგი უფრო გასქელდება. უნდა მიიღოთ დაახლოებით 400-500 გ ყველი.