ინგრედიენტები:

კარაქი - 225 გ

შაქარი - 225 გ

ფქვილი - 225 გ

გამაფხვიერებელი - 2 ჩ.კ.

კვერცხი - 4 ც.

მანდარინი - 3 ც.

ყავისფერი ან ჩვეულებრივი შაქარი - 40 გ

მომზადება:

ჯამში მიქსერით კარგად ათქვიფეთ შაქარი და დარბილებული კარაქი. დაამატეთ თითო-თითო 4 კვერცხი და კარგად აურიეთ. დაამატეთ ფქვილი და გამაფხვიერებელი. საგულდაგულოთ აურიეთ.  გააცხელეთ ღუმელი 180 გრადუსამდე. 

მოამზადეთ კექსის ფორმები. თითოეულ ფორმას წაუსვით კარაქი. ძირში დააყარეთ თითო-თითო სადილის კოვზი ყავისფერი ან ჩვეულებრივი შაქარი. გაფცქვენით მანდარინი, გაჭერით სიგანეზე და თითოეული ნახევარი ჩადეთ კექსის ფორმაში. 

ზემოდან ფრთხილად დაადეთ ცომი ისე, რომ დარჩეს ადგილი ცომის ამოსასვლელად.  გამოაცხეთ 20-30 წუთის განმავლობაში.  მაფინები კარგად უნდა შეიბრაწოს. მზადყოფნა შეამოწმეთ ხის ჩხირით. შუა ნაწილი უნდა იყოს მშრალი.

გამოიღეთ მაფინები და დააწყეთ ღუმელის ბადეზე გასაგრილებლად 5-10 წუთით. შემდეგ შეგიძლიათ ამოიღოთ ფორმებიდან და გადააბრუნოთ (მანდარინები აღმოჩნდება ზემოდან).

გემრიელად მიირთვით!