ინგრედიენტები:

ფარში - 700 გ

ხახვი - 1 ც.

სტაფილო - 1 ც.

კარაქი - 50 გ

ფქვილი - 1 სავსე ს.კ.

რძე - 200 მლ

ყველი - 100 გ

მცენარეული ზეთი ფარშის მოსაშუშათ

მარილი და პილპილი - გემოვნებით

თხელი ლავაში - 1 შეკვრა

მომზადება:

1. დადეთ ფარში მაგრად გაცხელებულ ზეთიან ტაფაზე და დაიწყეთ შეწვა, დაამატეთ გახეხილი სტაფილო, წვრილად დაჭრილი ხახვი, მარილი, პილპილი. შეწვით ნახევრად მზადყოფნამდე.

2. გააკეთეთ სოუსი ბეშამელი: ცალკე ტაფაში მოხალეთ კარაქი და ფქვილი, წვრილი ნაკადით დაამატეთ რძე და უყავით მარილი. მუდმივი მორევით მიიყვანეთ გასქელებამდე და გადმოდგით.

3. ლავაში გაჭერით გამოსაცხობი ფორმის ზომის 5 თანაბარ ნაწილად. ფორმის ძირში დაასხით ცოტაოდენი სოუსი და თანაბრად გაანაწილეთ, დაადეთ ლავაშის ფენა და ფარშის ¼, შემდეგ ისევ ლავაში... და ასე, სანამ არ დამთავრდება ფარში. ბოლო ფენა უნდა იყოს ლავაში. მოასხით სოუსი, მეტი ყურადღება მიაქციეთ ნაპირებს, და მოაყარეთ გახეხილი ყველი. შედგით 180 გრადუსამდე გაცხელებულ ღუმელში 25-30 წუთით.