გაზაფხულზე ყოველთვის მატულობს გაციებისა და ვირუსული ინფექციების საფრთხე, ხარისხიანი მედიკამენტები კი ხშირად ხელმისაწვდომი არ არის. ამიტომაც რამდენიმე მარტივ ხალხურ რეცეპტს შემოგთავაზებთ.

გაციების დროს

გახეხეთ ხახვი, დაასხით 0,5 ლ ცხელი რძე და დააყოვნეთ. დალიეთ ნახევარი ძილის წინ, მეორე ნახევარი კი - დილით.

ხველების დროს

10 თავი ხახვი და 1 თავი ნიორი წვრილად დაჭერით, ჩაყარეთ რძეში და ადუღეთ მანამ, სანამ ხახვი და ნიორი არ გაიხსნება. დაუმატეთ ცოტა პიტნა და თაფლი. გაფილტრეთ და მიიღეთ 1 სუფრის კოვზი ყოველ საათში ერთხელ დღის განმავლობაში.

ყივანახველა

5 კბილი ნიორი დაჭერით წვრილად ან დანაყეთ და აადუღეთ 1 ჩაის ჭიქა რძეში, დალიეთ დღეში რამდენჯერმე;

ქუთუთოებზე გამონაყარის დროს

გამონაყარზე მაწონში ამოვლებული დოლბანდი დაიდეთ. ზემოდან მრავალძარღვას ფურცელი მოათავსეთ, მის ზემოთ კი _ მაგრად მოხარშული კვერცხი (ორად გაჭრილი, ცხელი). საფენი მანამ გედოთ, სანამ კვერცხი არ გაცივდება. პროცედურა 2-საათიანი ინტერვალით რამდენჯერმე გაიმეორეთ.