ეს საკმაოდ უჩვეულო წასახემსებელი შეგიძლიათ ლუდზე მისაყოლებლად გამოიყენოთ, ან საუზმეზე მიირთვათ.

ინგრედიენტები:

300 გ ფენოვანი ცომი

1 ცალი შპროტის კონსერვი

150 გ მაგარი ყველი

1 ცალი კვერცხი 

მომზადება:

ფენოვანი ცომი გააბრტყელეთ და დაჭრით ოთხკუთხედებად. თითოეულ ნაჭერს მოაყარეთ გახეხილი ყველი და ცენტრში დადეთ 1 ცალი თევზი. 

თუ შპროტი პატარაა, შეგიძლიათ 2 ცალიც დადოთ. კუთხეები ამოუკეცეთ და ზემოდან წაუსვით გათქვეფილი კვერცხი. შეგიძლიათ მოაყაროთ სეზამის მარცვლები.

გამოსაცხობად შედგით წინასწარ 200 გრადუსზე გაცხელებულ ღუმელში 15-20 წუთით. გადმოღების შემდეგ გააცივეთ და ისე მიირთვით.