ინგრედიენტები:

მანდარინი - 3 ც. დიდი ზომის

შაქარი - 1 ჭიქა

კვერცხი - 3 ც.

ნუშის ფქვილი - 3 ჭიქა

სოდა - 1 ჩ.კ.

შაქრის პუდრი - მოსაყრელად

მომზადება:

მანდარინი კარგად გარეცხეთ, ჩააწყეთ ქვაბში და დაასხით იმდენი წყალი, რომ მთლიანად დაფაროს ისინი. მიიყვანეთ დუღილამდე და ადუღეთ დაბალ ცეცხლზე 15 წუთი. პირველი წყალი გადაასხით და მეორე წყალშიც ადუღეთ 15 წუთის განმავლობაში. შემდეგ ამოიღეთ წყლიდან და გააგრილეთ. გაჭერით მანდარინები და მოაცილეთ კურკები. მოათავსეთ ბლენდერში და დააბლენდერეთ ფაფის კონსისტენციამდე. შეიძლება გაატაროთ ხორცსაკეპ მანქანაშიც.  

კვერცხი და შაქარი ათქვიფეთ ერთმანეთში. დაამატეთ ყველა ინგრედიენტი, მანდარინის პიურეს ჩათვლით, და კარგად აურიეთ.  

ცომი გადაიღეთ 23 სმ დიამეტრის ფორმაში. გამოაცხეთ 190 გრადუსამდე გახურებულ ღუმელში დაახლოებით 1 საათის განმავლობაში. პეროგი მაშინ ამოიღეთ ფორმიდან, როცა გაგრილდება. მოაყარეთ შაქრის პუდრი და მორთეთ ციტრუსის ცედრით.

გემრიელად მიირთვით!