ინგრედიენტები:

კვერცხის ცილა - 4 ც.

ნებისმიერი კენკროვანი - 500 გ

გახეხილი ლიმონის ცედრა - 1 ჩ.კ.

შაქრის პუდრი - 1 ჭიქა

ნაღები 33% - 2 ჭიქა

მომზადება:

1. კენკრა გარეცხეთ, გააშრეთ და დააბლენდერეთ პიურეს კონსისტენციამდე. გაცერით საცერში. დაახურეთ თავსახური და შედგით მაცივარში. ფორმებს გადააფარეთ 2 ფენა საკვები ცელოფანი, დატოვეთ გადმოსული ნაპირები. ფორმები მოათავსეთ საყინულეში.

2. ცილები ათქვიფეთ ¼ ჭიქა შაქრის პუდრთან ისე, რომ მიღოთ ჰაეროვანი გლუვი ქაფი. ნაღები ათქვიფეთ დარჩენილ შაქრის პუდრთან და დაამატეთ ლიმონის ცედრა. აიღეთ 1 ს.კ. ათქვეფილი ნაღები და დაამატეთ ათქვეფილ ცილაში. შემდეგ ძალიან სწრაფად ჩაათქვიფეთ ცილა ნაღებში. ეს იმისთვის კეთდება, რომ არევის დროს ცილა და ნაღები არ „დაჯდეს“.

3. გადაიღეთ ნარევი გაყინულ ფორმებში. დახურეთ ცელოფნის თავისუფალი ბოლოებით და ზემოდან დააფარეთ ფოლგა. შედგით საყინულეში 4 საათით. მიირთვით კენკროვან სოუსთან ერთად.