მას შემდეგ, რაც თბილისში დონატების დაგემოვნება გახდა შესაძლებელი აღნიშნული ტკბილეულის მიმართ ინტერესი არ ქრება. მისი მომზადება სახლის პირობებში საკმაოდ მარტივად შეგიძლიათ:

ინგრედიენტები:

ფქვილი 500 გ

წყალი 180 მლ

კარაქი (მარგარინი) 100 გ

კვერცხი 1 დიდი

შაქარი 1-2 ს.კ

საფუარი 6 გ

მარილი

გამდნარი შოკოლადი

მომზადების წესი:

შევურიოთ ყველა მშრალი ინგრედიენტი, შემდეგ დავამატოთ წყალი, ბოლოს გამდნარი კარაქი და კვერცხი.

დავასვენოით ცომი, ამოფუების შემდეგ გავაბრყელოთ და ამოვჭრათ მრგვალი დონატები. დავალაგოთ ცხიმწასმულ საცხობ ქაღალდზე ხელახლა ამოსაფუებლად.

შევწვათ დონატები ფრიტიურში, ან ქვაბში, ბლომად ზეთში, საშუალო სიმხურვალეზე, სანამ არ შეოქროსფრდება.

გადავიტანოთ ქაღალდის ხელსახოცზე, ზედმეტი ცხიმისგან დასაწდობად. ამის შემდეგ ამოვავლოთ გამდნარ, შეგრილებულ შოკოლადში.