საჭირო მასალა:

ბატკნის ხორცი - 2 კგ

ხახვი - 1 თავი

თეთრი ღვინო - 500 მლ

ქინძი - 4 კონა

ოხრახუში - 4 კონა

ტარხუნა - 6 კონა

მწვანე ხახვი - 4 კონა

ძმარი - 1 ს/კ

მარილი და წიწაკა - გემოვნებით

ტყემალი - 1 ჭიქა

მომზადება:

მწვანილი კარგად გავრეცხოთ, გავარჩიოთ და დავჭრათ. თავი ხახვი დავჭრათ მრგვალად. 

ტარხუნას მოვაცალოთ ღეროები, დავტოვოთ მხოლოდ ფოთლები.

ჩაქაფულისთვის საჭიროა ბატკნის უკანა ნაწილის ნაჭერი. ხორცი გავრეცხოთ და დავჭრათ მსხვილ ნაჭრებად.

ხორცს მოვაცალოთ ქონი, დავჭრათ წვრილ ნაჭრებად და ჩავყაროთ ქვაბში. შევბრაწოთ სანამ ქონი არ გადნება. შებრაწული ქონის ნაჭრები ამოვიღოთ და გამდნარ ქონში ჩავყაროთ ხორცი. 

15 წუთის შემდეგ ჩავყაროთ დაჭრილი 1 თავი ხახვი. ჩავშუშოთ სანამ სითხე არ აორთქლდება.

როგორც კი სითხე აორთქლდება, ქვაბში ჩავასხათ ღვინო და გავაგრძელოთ ხარშვა. 

თანდათან დავამატოთ მწვანილი, ჩავყაროთ ტყემალი და გავაგრძელოთ ხარშვა დაბალ ცეცხლზე.

ვხარშოთ 15-20 წუთის განმავლობაში, სანამ მწვანილი არ დარბილდება და გამუქდება. დავაყაროთ მარილი, წიწაკა  და ძმარი გემოვნებით.