ორიგინალური და საოცრად გემრიელი დესერტი გაყინული ალუბლით. თავისი გემოთი ეს ტორტი უკლებლივ ყველას დაიპყრობს!

ინგრედიენტები:

ბისკვიტისთვის:

270 გ ფქვილი;

6 კვერცხი;

2 ჩ/კ გამაფხვიერებელი;

200 გ კარაქი;

300 გ შაქარი;

6 ჩ/კ კაკაო.

კრემისთვის:

800 გ 30 %-იანი ნაღები;

1 ჭიქა შაქრის პუდრა;

500 გ გაყინული ალუბალი.

დასანამად:

ალუბლის წვენში გახსნილი 100 გ არაყი.

მოსართავად:

ალუბალი;

გახეხილი შოკოლადი.

მომზადება:

1. ათქვიფეთ კვერცხი შაქართან ერთად. დაუმატეთ გოგლი-მოგლს ცალკე ჯამში ერთმანეში არეული ფქვილი, გამაფხვიერებელი და კაკაო. ყველაფერი კარგად აურიეთ.

2. გაყავით ცომი 2 ნაწილად.

3. გამოაცხვეთ ორი ბისკვიტი. ერთი შედარებით უფრო თხელი, მეორე სტანდარტული.

4. გააცივეთ ბისკვიტები. სტანდარტული ბისკვიტი გაჭერით შუაზე ისე, რომ თანაბარი ნაწილები მიიღოთ.

5. დანამეთ თითოეული ბისკვიტი ალუბლის სიროფით.

6. ათქვიფეთ ნაღები შაქრის პუდრასთან ერთად. ცოტაოდენი ნაღები და ალუბალი მოიტოვეთ ტორტის ზემოდან მოსართავად.

7. ათქვეფილ ნაღებს შეურიეთ ალუბლები. წაუსვით კრემი თითოეულ ბისკვიტის ფენას და ააწყვეთ ტორტი.

8. დარჩენილი ნაღები წაუსვით ტორტის სულ ზედა ფენას (შეგიძლიათ საკონდიტრო ტომრითა და ფორმებით მორთოთ თქვენი ფანტაზიით). მორთეთ ალუბლებითა და გახეხილი შოკოლადით.