ისპანახის სუპი უგემრიელესი და, რაც მთავარია, სასარგებლოა. აღნიშნული მასალა გეყოფათ ორი პორციისთვის

საჭირო მასალა:

ისპანახი - 110 გრ.

კარაქი - 25 გრ.

ნაღები - 100 გრ.

რძე - 200 გრ.

ბეკონი - 1 ნაჭერი

ოხრახუში - 1 კონა

კამა - 1 კონა

ზეითუნის ზეთი, მარილი, პილპილი - გემოვნებით

მომზადება:

ქვაბი კარგად გააცხელეთ და ჩადეთ კარაქი. ბოლომდე დადნობის შემდეგ დაუმატეთ ისპანახი და შუშეთ 3-4 წუთის განმავლობაში. შემდეგ დაუმატეთ ნაღები, რძე და წამოადუღეთ. სურვილის შემთხვევაში სისქისთვის დაუმატეთ ცოტაოდენი სახამებელი. 

დასასრულს შეანელეთ მარილით. ცალკე ტაფაზე, ზეითუნის ზეთში შეწვით ბეკონი ორივე მხრიდან. შემდეგ გადმოიტანეთ თეფშზე და გაჭერით ორ ნაწილად. 

მზა ისპანახის სუპი გადაიტანეთ ორ მათლაფაზე და ზევიდან დაადეთ თითო ნაჭერი ბეკონი. შემდეგ მოაყარეთ წვრილად დაჭრილი კამა და ოხრახუში.