ქართულად დაახლოებით ასე ითარგმნება “საქონლის ხორცი სტროგანოვულად”. დღეს ეს კერძი ძალიან პოპულარულია არა მხოლოდ საფრანგეთში, არამედ მთელ მსოფლიოში და ეს ალბათ იმით არის გამოწვეული, რომ ძალიან მარტივად და სწრაფად მზადდება, შედეგი კი უგემრიელესი აქვს.

ამჯერად ბიფსტროგანოვის ცოტათი განსხვავებულ რეცეპტს გთავაზობთ.

ინგრედიენტები 4-6 ულუფისთვის:

500 გ რბილი საქონლის ხორცი;

200 გ ქამა სოკო;

1-2 თავი ხახვი;

2 ს/კ არაჟანი;

1 ს/კ მდოგვი;

1 ს/კ ფქვილი;

200 მლ წყალი;

1 ს/კ ზეთი;

მარილი და პილპილი - გემოვნებით.

მომზადების წესი:

დაჭერით საქონლის ხორცი თხელ, მოგრძო ნაჭრებად, ხახვი – ნახევარწრეებად, ქამა სოკო – თხლად.

რჩევა: კარგი იქნება, თუკი სოკოს დასველებული ხელსახოცით გაასუფთავებთ ან დაამუშავებთ დანით. 

გარეცხვას მოერიდეთ – ის სწრაფად იწოვს წყალს და შემდეგ ტაფაზე დიდხანს მოგიწევთ წყლის აორთქლება.

მოხრაკეთ ხახვი ზეთში. დაუმატეთ სოკო და გააგრძელეთ მოშუშვა, სანამ სითხე არ ამოშრება. ამ ხნის განმავლობაში ცხელ ტაფაზე (აუცილებლად ცხელ ტაფაზე, თორემ ხორცი წვენს გამოუშვებს) დაალაგეთ ხორცი და შეწვით ყველა მხრიდან. 

როცა ხორცი დაიბრაწება, ტაფაშივე ჩაუმატეთ ფქვილი და სწრაფად ურიეთ. ხახვსა და სოკოს დაასხით წყალი, დაუმატეთ არაჟანი, მდოგვი და სანელებლები (მარილი, პილპილი).

გადაიტანეთ ხორცი სოკოს სოუსში და შუშეთ თავდახურულ ჭურჭელში, სანამ ხორცი კარგად არ დარბილდება.