მოგბეზრდათ ერთფეროვნება - თევზის უგემრიელესი კატლეტი
საჭირო მასალა:
თევზი - 400 გრ
კვერცხი - 1 ცალი
ხახვი - 1 ცალი
პური - 80 გრ
ფქვილი - 2 ს.კ.
რძე - 100 გრ
ზეთი, მარილი, შავი პილპილი
მომზადება:
თევზის ფილე, კანისა და ფხებისგან გაცლილი, შეურიეთ კვერცხს და დაჭრილ ხახვს. ყველაფერი ბლენდერით ათქვიფეთ ერთგვაროვანი მასის მიღებამდე, ან ორჯერ გაატარეთ ხორცსაკეპ მანქანაში.
პურის გული რძეში დაალბეთ. მერე გაწურეთ, ფარშს დაუმატეთ და აურიეთ. თუ ფარში მშრალი და სქელი მოგეჩვენებათ, ცოტა რძე დაამატეთ, რომელშიც პური გქონდათ ჩალბობილი.
ბოლოს დაამატეთ ცოტა ზეთი, მარილი და პილპილი. ფარში კარგად აურიეთ, მოამრგვალეთ, ამოავლეთ ფქვილში და შემდეგ ზეთში შეწვით.