საფუვრიანი ცომი - 1300 გრ

საქონლის ფარში - 300 გრ

პომიდორი - 2 დიდი

ხახვი - 1 ცალი

ოხრახუში - 1 კონა 

ნიორი - 1 კბილი

მარილი, წიწაკა - გემოვნებით

მომზადება: 

ფარშს შევურიოთ წვრილად დაჭრილი ხახ, ნიორი და ოხრახუში. ასევე კანიანად დაჭრილი პომიდორი. დაუმატეთ მარილი და პილპილი და აურიეთ. 

უკვე გაფუებული ცომი დაყავით საშუალო ზომის გუნდებად და გააჩერეთ ცოტა ხანი, რომ თავიდან ამოფუვდეს. შემდეგ გააბრტყელეთ ძალიან თხლად და, ზევიდან წაუსვით 1-3 კოვზამდე შეზავებული ფარში და გააჩერეთ გახურებულ ღუმელში რამდენიმე წუთით. 

მზა ლაჰმაჯუნებს ზევიდან დაალაგეთ, თხლად დაჭრილი ლიმონის რამდენიმე ნაჭერი და წინასწარ გამზადებული კიტრი-პომიდორის სალათა, შეზავებული ხახვითა და გახეხილი ყველით. გადაახვიეთ და მიირთვით.