ინგრედიენტები:

ცომისთვის:

სგუშჩონი - 1 ქილა

კვერცხი - 3 ც.

ფქვილი - 200 გ

გამაფხვიერებელი - 2 ჩ.კ.

კრემისთვის:

ნაღები 35% - 500 მლ

შაქრის პუდრი - 100 გ

მომზადება:

გაცერით ფქვილი და დაამატეთ გამაფხვიერებელი. ღრმა ჯამში გადაიღეთ სგუშჩონი, დაამატეთ კვერცხი და კარგად ათქვიფეთ მიქსერით. დაამატეთ გაცრილი ფქვილი. მოზილეთ ცომი.

ცომი გაყავით 3 ნაწილად. თითოეული ფენა გამოაცხეთ პერგამენტით დაფარულ ღუმელის ტაფაზე 180 გრადუსამდე გახურებულ ღუმელში დაახლოებით 10 წუთი.

კრემისთვის: ნაღები და შაქრის პუდრი აურიეთ ერთმანეთში და კარგად ათქვიფეთ. ფენებს წაუსვით კრემი, დააწყეთ ერთმანეთზე და შედგით მაცივარში. სურვილისამებრ ტორტი შეიძლება ზემოდან მორთოთ გახეხილი შოკოლადით ან დაჭრილი ნიგოზით.

გემრიელად მიირთვით!