საჭირო მასალა:

კარაქი- 500გ

ფქვილი-4 ჭიქა

მარილი- 1 ჩ/კ

ცივი წყალი-1 ჭიქა

შაქრის პუდრა- გემოვნებით

მომზადება:

ფქვილი და მარილი ჩავყაროთ ჯამში. დავუმატოთ ოთახის ტემპერატურაზე დარბილებული 2 სუფრს კოვზი კარაქი და კარგად ავურიოთ. დავასხათ წყალი და მოვზილოთ ერთგვაროვანი მასის მიღებამდე. ფქვილმოყრილ ფიცარზე ან მაგიდაზე ცომი კარგად გავაბრტყელოთ, დავახეხოთ გაყინული კარაქი, დავკეცოთ კონვერტივით და შევდოთ მაცივარში 1 საათი.

ცომი გავყოთ სამ ნაწილად. გავაბრტყელოთ ლითონის ფირფიტის ზომაზე, ალაგ-ალაგ დავჩხვლიტოთ და შევდგათ წინასწარ 230 გრადუსზე გახურებულ ღუმელში 10 წუთი, შემდეგ დავუწიოთ ცეცხლს 190 გრადუსამდე და გავაჩეროთ ნახევარი საათი. გამზადებული ფენები გავაციოთ და წავუსვათ მოხარშული კრემი.

კრემის მომზადება:

ნახევარ ჭიქა ფქვილს, მესამე ჭიქა შაქარს, 1 ს.კ სახამებელს დავუმატოთ 6კვერცხის გათქვეფილი გული და კარგად მოვურიოთ. დავამატო 5 ჭიქა ცხელი რძე, დავდგათ ქურაზე და განუწყვეტლივ ვურიოთ, სანამ არ გასქელდება.

როცა გაცივდება, შევათქვიფოთ კარაქი და ვანილი. შესაძლებელია 1 ჭიქა გათქვეფილი ნაღების დამატებაც. გამზადებულ ნაპოლეონს მოვაყაროთ შაქრის პუდრა.